Ekologiyani asrash, atrof-muhitni sof holda saqlash har birimizning vazifamiz bo’lishi shart va zarur. Ammo, har doim ham bunga e’tibor qaratavermaymiz. Xolbuki, ekologiya, atrof-muhitni muhofaza qilish va iqlim o‘zgarishi vaziri stipendiyasi taʼsis etildiki, bu bilan yoshlarni rag‘batlantirish orqali ularning atrof-muhitga, tabiatga nisbatan munosabatini o’zgartirish, mehr-muhabbatini oshirishga qaratilgan deyish mumkin.
Bu bo’yicha “Markaziy Osiyo atrof-muhit va iqlim o‘zgarishini o‘rganish universiteti (Green University) faoliyatini tashkil etish chora-tadbirlari to‘gʼrisida”gi Prezident qarori (PQ–174-son, 31.05.2023 y.) qabul qilindi. Ushbu universitet davlat OTM hisoblanib, faoliyati “Hub and Spoke” tamoyili asosida yo‘lga qo‘yiladi. Mazkur stipendiya esa 2023-yil 1-sentyabrdan oliy taʼlim muassasalarining ekologiya, atrof-muhitni muhofaza qilish, o‘rmonchilik, “yashil” iqtisodiyot va gidrometeorologiya va boshqa talab yuqori bo‘lgan yo‘nalishlaridagi eng iqtidorli talabalariga beriladi.
Bunda, to‘lov-kontrakt asosida taʼlim olayotgan talabalarning bir yillik to‘lov-kontrakt summasi qoplangan holda, har oyda BHMning 3 baravarida (990 ming so‘m), davlat granti asosida taʼlim olayotgan talabalarga har oyda BHMning 6 baravarida (1 mln 980 ming so‘m) stipendiyalar tayinlanadi.
Surxontongi.uz
