Oltinsoy tumanining “Bo‘ston” mahallasida ovqatlanish va yangi xizmat ko‘rsatish maskani ish boshladi. Yangi tadbirkorlik loyihasi mahalla aholisiga zamonaviy va tezkor xizmat ko‘rsatish bilan birga, yangi ish o‘rinlari yaratilishiga ham hissa qo‘shmoqda.
Ochilish marosimida tuman hokimi Otabek Mavlyanov hamda tuman prokurori Ravshan Turdiyev ishtirok etdi. Tadbirda hududda tadbirkorlikni qo‘llab-quvvatlash, xizmatlar ko‘lamini kengaytirish va aholi bandligini oshirishga qaratilgan loyihalarning ahamiyati ta’kidlandi.
Yangi maskan mahallada xizmat ko‘rsatish infratuzilmasini boyitib, tadbirkorlik tashabbuslari uchun yana bir muvaffaqiyatli qadam bo‘ldi.
