Qishloq xo‘jaligida yuqori natijalarga erishish zamonaviy yondashuv va ilg‘or tajribalarni amaliyotga tatbiq etish bilan chambarchas bog‘liq. Shu bois hududlar o‘rtasidagi tajriba almashinuvi soha rivojida muhim o‘rin tutadi.
Ana shunday tashrif doirasida Uzun tumanidagi bog‘dorchilik va ko‘chatchilik yo‘nalishida faoliyat yuritayotgan fermerlar hamda hokim yordamchilari Samarqand viloyatida bo‘lib, intensiv bog‘lar barpo etish, sermahsul ko‘chatlar yetishtirish va zamonaviy agrotexnologiyalarni qo‘llash bo‘yicha ilg‘or tajribalarni o‘rgandi.
Mazkur tajriba almashinuvi hududlarda bog‘dorchilik va ko‘chatchilikni yanada rivojlantirish, hosildorlikni oshirish hamda sohada samarali va innovatsion yondashuvlarni keng joriy etishga xizmat qiladi.
