Har doim ham farzandimiz dunyoga kelsa, uning tug‘ilganlik guvohnomasini olishga xafsala qilmaymiz. Bunga moliyaviy qiyinchilik, e’tiborsizlik, ota-onaning hujjatlarining mavjud emasligi va boshqa jihatlar sabab bo’ladi. Bu esa kelgusida bola uchun nafaqa olishda, fuqarolikni belgilashda, uni bog‘chaga, maktabga berishda muammolar keltirib chiqarishi aniq.
Savol tug‘iladi, xo’sh bunday holatda nima qilish kerak?
Bola tug‘ruqxonada tug‘ilgan bo‘lsa, ota-ona yashayotgan yoki bola tug‘ilgan joydagi FHDYo organiga ota-onaning pasporti, bolaning tug‘ilganligi haqida tibbiy ma’lumotnoma hamda kerakli hujjatlarni ilova qilgan holda ariza bilan murojaat qiladi.
Agar bolaning ushbu onadan tug‘ilganligiga guvoh bo‘lganlar ishtirokida tuzilgan va uchastka shifokori tasdiqlagan dalolatnoma tuzilmagan bo‘lsa, bunday hollarda bolaning aynan shu onadan tug‘ilganligi fakti fuqarolik ishlari bo‘yicha sud tomonidan belgilanadi.
