Huquq sohasida raqobatbardosh va malakali kadrlarni tayyorlashda nazariy bilimlarni amaliy tajriba bilan uyg‘unlashtirish alohida ahamiyat kasb etadi. Shu maqsadda Termiz davlat universiteti Yuridik fakulteti talabalari o‘quv-amaliyot jarayonlarida faol ishtirok etmoqda.
Qo‘shma ta’lim shaklida tahsil olayotgan 1-kurs talabalari amaliyot davomida huquqni qo‘llash jarayonlari, davlat organlari faoliyati, huquqiy hujjatlar bilan ishlash tartibi hamda kasbiy ko‘nikmalarni egallashmoqda. Bu esa ularning nazariy bilimlarini mustahkamlab, kelgusida yetuk va mas’uliyatli huquqshunos sifatida shakllanishiga xizmat qilmoqda.
Mazkur o‘quv-amaliyotlar zamonaviy yuridik ta’lim sifatini oshirish, talabalarni real huquqiy muhitga tayyorlash va ularning kasbiy salohiyatini yuksaltirishda muhim o‘rin tutadi.
