Mamlakatimiz bo‘ylab “Navro‘z umumxalq bayrami munosabati bilan “Yangi nafas” ommaviy yugurish musobaqalari start olgan. Termiz shahrida ham ushbu marafon besh mingdan ortiq 7 yoshdan yetmish yoshgacha bo‘lgan surxondaryolikni bir maqsad, bir loyiha atrofida birlashtira oldi.
Erta tongdan barcha shahrimizdagi Alisher Navoiy ko‘chasidagi “Surxon arena” sport majmuasida jam bo‘ldi. Marafonning tantanali ochilish marosimidan so‘ng, ishtirokchilar start chizig‘idan ilk qadamlarini tashlashdi.
Aytish kerakki, marafonga alohida tayyorgarlik ko‘rilgan. Musobaqa qatnashchilari uchun barcha shart-sharoitlar yaratilgan bo‘lib, ular xavfsiz, erkin yugurishga kirishib ketdilar. Finish chizig‘i esa “Bolajon bog‘i” hududi. Yuguruvchilar uch kilometr masofani bosib o‘tishlari lozim.
Jarayon qiziqarli va ko‘tarinki ruhda bo‘lib o‘tdi. Marafon yakunida erkaklar va ayollar o‘rtasidagi bellashuv g‘oliblari diplom hamda qimmatbaho sovg‘alar bilan taqdirlandi.
Hilol
