Yoshlar ishlari agentligi, Ekologiya va iqlim o‘zgarishi milliy qo‘mitasi hamda Innovatsion rivojlanish agentligi tomonidan yoshlarning yashil tashabbuslarini qo‘llab-quvvatlash maqsadida respublika miqyosida mega tanlov o‘tkazildi.
Tanlov yakunlariga ko‘ra, Qumqo‘rg‘on tumani ixtisoslashtirilgan maktabining 11-sinf o‘quvchilari Qultoyeva Nastarin va Abdurasulova Nozima “Energiya va suv tanqisligi muammosini ekologik toza usulda hal etish” loyihasi bilan respublika g‘olibiga aylandi.
Mazkur yutuq yoshlarning innovatsion fikrlashi, ekologik muammolarga befarq emasligi va kelajak uchun muhim bo‘lgan “yashil” g‘oyalarni ilgari surayotganini yana bir bor namoyon etdi.
