JARQO‘RG‘ONGA “YANGI NAFAS” ULASHIB…

Date:

O‘zbekiston Respublikasi Davlat bayrog‘i qabul qilingan kun munosabati bilan “Bir Vatanda, bir vaqtda, bir masofaga, bir maqsadda – birga yuguramiz” shiori ostida “Yangi nafas” sport musobaqasi Jarqo‘rg‘on tumanida ham bo‘lib o‘tdi. Ushbu tashabbusni mamnuniyat ila qabul etgan yosh-u keksa borki, erta tongdan tumandagi Sanoat hududida hozir-u nozir bo‘ldilar.

Ushbu hududdan “Qo‘shtepa” mahallasidagi 9-maktabgacha 3 kilometr masofa zumda bosib o‘tildi. Mingdan ortiq ishtirokchi qatnashgan ommaviy yugurish musobaqasida tuman yo‘l harakati xavfsizligi xodimlari jarayonni finish chizig‘iga qadar kuzatib bordilar.

Finishda esa barcha ishtirokchilarni O‘zbekiston Respublikasi Davlat bayrog‘i qabul qilingan kun munosabati bilan katta bayram tadbiri kutardi. Tadbir bahona “Yangi nafas” marofoni g‘oliblarining taqdirlash marosimi o‘tkazildi. G‘oliblar medal, diplom va qimmatbaho sovg‘alar bilan taqdirlandi.

Shuningdek, 5 tashabbus doirasida shaxmat-shashka, kamondan o‘q otish, valeybol, stol tennis kabi sport musobaqalari o‘tkazilib, jarayonlar qizg‘in tus olgan bo‘lsa, chanqovuz chalishda, qo‘shiq kuylashda iqtidori borlar ham saralandi. Rasm chizish tanlovida esa yosh rassomlar va rassomchilikka ishtiyoqi baland yoshlar bor mahoratlarini ishga soldilar. Yoshlarni vatanparvarlik ruhida tarbiyalash maqsadida harbiylar tomonidan ko‘rgazmali chiqishlar namoyishi esa barchada katta taassurot qoldirdi.

Tuman Madaniyat bo‘limi san’atkorlari tomonidan ijro etilgan kuy-qo‘shiqlar esa yoshlarning o‘yin-kulgulariga ulandi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun