Vaxshivor qishlog‘iga yo‘li tushgan borki, tasavvuf adabiyotining yirik namoyondasi, musulmon olamining ulug‘ allomasi So‘fi Olloyor mangu qo‘nim topgan ziyoratgohni ziyorat aylamay qaytmaydi. Ha, bu go‘shada keli-ketguvchilarning qadami uzilmaydi. Respublika Ma’naviyat va ma’rifat markazi Surxondaryo viloyat bo‘limi hamda Imom Termiziy xalqaro ilmiy-tadqiqot markazi bilan hamkorlikda “O‘zbekistonda tasavvuf tarixi va So‘fi Olloyorning tasavvuf ta’limoti” Respublika o‘quv seminari ham ayni shu ziyoratgohda o‘tkazildi.
Seminar davomida ulug‘ allomaning hayot yo‘li, ko‘plrga ibrat qilishga arzigulik ishlari haqida ma’lumotlar berildi. Ijodiga qilingan ta’rif-u tashbehlar esa So‘fi Olloyor qoldirgan boy ma’naviy merosning qiymatiga berilgan eng yaxshi baho deyish mumkin.
O‘tkazilgan o‘quv seminarda ishtirok etgan borki, So‘fi Olloyorni, alloma shaxsiyatini yangidan kashf etishdi. Muhabbat Abrayqulova tomonidan ijro etilgan chanqovuz kuylari esa ko‘ngil qatlaridan joy oldi.
Sohibjamol
