Harbiylik sharafli burch. Ularning qaysidir ma’noda yaqinlar, do‘stlar va oila davrasida har doim ham bo‘la olmasligi yomondir. Ammo, vatan oldidagi burch mas’uliyati bu jihatlarga ko‘z yumishga sabab bo‘ladi.
Harbiy xizmatchilarning ham ko‘ngildagidek xordiq chiqarishlari, m’nan dam olishlari uchun xizmatdan tashqari ma’naviy-ma’rifiy tadbirlar, kechalar, bayram dasturlari ham tashkil etiladiki, muhimi soha xodimlarida ham olam-olam taassurotlar qoldirsin, zavq-shavq uyg‘ota olsin. Surxandaryo viloyatida joylashgan chegara qo‘shinlariga qarashli harbiy qismlarning birida harbiy xizmatchilar va taniqli aktyorlar bilan ijodiy uchrashuv tashkil etildi.
Mehmonlar ham el ardog‘idagi, barchaning hurmati va e’tiboriga sazovor bo‘lgan insonlar – aktrisa, “Do‘stlik” ordeni sohibasi Feruza Boboyorova, O‘zbekistonda xizmat ko‘rsatgan madaniyat xodimi, dramaturk Erkin Xushvaqtov hamda O‘zbekistonda xizmat ko‘rsatgan artist, aktrisa Lola Eltoyeva, Xamid Toshpo‘latovlar.
Ular chiqishlari, so‘zlagan nutqlari orqali davrani o‘zlariga qaratishdi. Xizmat safari, syomka jarayonlaridagi qiziqarli voqealarni tinglayotganlar maroq bilan kuldilar.
Samimiy ruhda o‘tgan uchrashuv barchaga manzur bo‘ldi.
Shamsiddin Sariqulov,
harbiy xizmatchi, ofitser
