“Xalqaro qishloq ayollari kuni” — e’tiborni yangi pog‘onaga ko‘tardi

Date:

Qishloq ayollari haqida gap ketsa, soddadil, mehnatkash, samimiy ayol timsoli ko‘z oldimizda gavdalanadi. Aslida, ayol qishloqlik yoki shaharlik deya tabaqalarga ajratilmaydi. Ammo, qishloq muhiti, hayoti ayollarni yanada tirishqoq, harakatchan bo‘lishga o‘rgatadi, tayyorlaydi.

Gender tengligi g‘oyasi jamiyatga kirib kela boshlagandan buyon ayollar uchun ham jtimoiy-iqtisodiy, siyosiy hayotga aralashish imkoni paydo bo‘ldi. Ayniqsa, BMT Bosh Assambleyasining 2007-yil 18-dekabrdagi yigʻilishida fidoyi, mehnatkash qishloq ayollarini eʼtirof etish, ularga hurmat-ehtirom koʻrsatish maqsadida 15-oktyabr — Xalqaro qishloq ayollari kuni deb eʼlon qilinishi ayolga, onaga bo‘lgan e’tiborni yana bir yangi pog‘onaga ko‘tardi. Qishloq ayollarining hayotini yaxshilashga harakat qilish qonunan, xalqaro miqyosda belgilab berildi. Mamlakatimizda ham bir necha yilki, ushbu kun bayram sifatida e’tirof topdi.

Jarqo‘rg‘on tumanidagi “Xalqaro qishloq ayollari kuni”ga bag‘ishlangan san’atkorlar bilan uchrashuv ana shu e’tirofning amaldagi ifodasi bo‘ldi. Madaniyat saroyida o‘tkazilgan uchrashuv ayollarni bir zum bo‘lsa-da, o‘z tashvishlarini unutib, betakror musiqa jarangidan bahramand bo‘lishga undadi. O‘zbekistonda xizmat ko‘rsatgan artist Mehriddin Rahmatov va aktrisa Ra’no Shomirzayevalar ishtirokidagi ijodiy uchrashuv hamda konsert dasturi so‘ngsiz hissiyotlar, o‘chmas taassurotlarga boy bo‘ldi. Ijodiy uchrashuvda tumandagi barcha xotin-qizlar taklif etilib, konsert dasturidan bahramad bo‘lishdi.

D.Oybekova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun