Angor va Termiz tumani gʻallakorlari mamlakatimizda birinchi

Date:

Atrofda ham, ijtimoiy tarmoqlarda ham shov-shuv tarqaldi. “…un va un mahsulotlari narxi oshdi, qimmatchilik boshlandi…” kabi. Savdo rastalaridagi non va non mahsulotlari, bozorlarda unning narxi qimmatlagani esa shov-shuvlarlarga dalil bo‘lib turibdi, albatta.

Biroq bu kabi holatlar qanchalik uzoq davom etadi. Haqiqatdan ham endi bu  yog‘iga un va un mahsulotlari narxi ko‘tarilaveradimi? Xalq bu kabi vaziyatdan aziyat chekishi qanchagacha davom etadi? Bug‘doy zaxiralarimiz aholi iste’moli uchun yetarlimi, degan haqli savol har bir fuqaroni qiynashi turgan gap.

Ammo mutasaddilarning berayotgan ma’lumotlari, qolaversa, joylarda yetishtirilib, davatga topshirilayotgan bug‘doy bu kabi holatlar o‘tkinchiligi va aholida hech qanday sarosima uyg‘onmasligiga, mirishkorlar ko‘tarayotgan bug‘doy xirmonlari, iste’moldan ortsa ortadiki, aslo fuqarolar undan qiynalmasligiga ishora berib turibdi.

Erta harakat qilib, ustiga ustak, mehnatni ham, niyatni ham yaxshi qilib yerga urug‘ qadagan dehqon va fermer xo‘jaliklari allaqachon dalalardan bug‘doylarni o‘rib olib, davlatga belgilangan rejadagi mahsulotlarni oshig‘i bilan bajarishga kirishgan. Ana shundy ilg‘orlar safida angor  va termizliklar bor.  

2022-yil hosili uchun Angor tumani gʻallakorlari 5 650, Termiz tumani mirishkorlari esa 2 900 gektar yerda mahalliy iqlim va tuproq sharoitiga mos ertapishar va serhosil navli urugʻlarni ekib, undirib oldi. Ekinlar zamonaviy texnologiyalar asosida parvarish qilinishi samarasida kutilgan hosil yetishtirildi.

Yetishtirilgan hosilni qisqa fursatlarda yigʻishtirib olish ishlarining oqilona tashkil etilishi natijasida Angorda 6 317, Termiz tumanida 5 333 tonna tovar-don yigʻib olinib, reja mamlakatimizda birinchi boʻlib ortigʻi bilan bajarildi.

Oʻrib olingan maydonlarda oʻrtacha hosildorlik 77-80 sentnerni tashkil etdi. Angor tumanidagi “Zamin Angor klaster” MCHJ, “Sayidnosirxon”, “Angor Xomkon mirishkori”, “Xomkon mirishkor dehqonlari”, Termiz tumanidagi “Indenim klaster” MCHJ, “Anvar Doʻstlik”, “Sharof Mohinur”, “Farhodbek Yangiariq” kabi fermer xoʻjaliklari xirmonga katta hissa qoʻshdi.

Hozirda qolgan maydonlardagi hosilni yigʻishtirib olish ishlari davom etmoqda.

E.Elmurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Karmaki”da qo‘g‘irchoq ishlab chiqarilmoqda

Inson shug‘ullanayotgan kasbi yo ishidan zavq olsagina, bu ishning...

Xatakdan noyob topilma…

Vohamizdagi bir guruh arxeolog olimlar qoyatosh suratlarini izlab o‘tgan...

“Daqiqasini 200 ming so‘mdan baholagan”

Jurnalist surishtiruvi har bir sohani sergaklantirib qo‘yishi shubhasiz. Uning...

131 nafar ayol ishli bo‘ldi

Hunar ayol kishining ko‘rki. Mehnati bilan yuzi issiq aslida....
KunTun
KunTun