O‘zbekiston–Tojikiston chegarasida zamonaviy logistika infratuzilmasini rivojlantirish – ikki davlat o‘rtasidagi savdo-iqtisodiy aloqalarni mustahkamlash, yuk tashish jarayonlarini optimallashtirish va mintaqaviy hamkorlikni yanada chuqurlashtirishning ustuvor yo‘nalishlaridan biridir. Shu maqsadda Sariosiyo tumani hokimi Odiljon Yaqubov, tuman prokurori B. Oltibayev va tegishli mas’ullar “Tech Reserved” MChJ tomonidan 6 gektar maydonda barpo etilayotgan logistika markazi qurilishi ishlarini joyida o‘rgandilar.
O‘rganish davomida loyiha ijrosini jadallashtirish, qurilish ishlarini belgilangan muddatlarda va yuqori sifatda amalga oshirish, shuningdek, belgilangan vazifalar ijrosini ta’minlash yuzasidan mas’ullarga aniq topshiriqlar berildi. Ushbu markazning ishga tushishi hudud iqtisodiyotiga yangi imkoniyatlar ochadi.
