Sherobod tumani Maktabgacha va maktab ta’limi bo‘limi boshlig‘i tomonidan 55-sonli umumiy o‘rta ta’lim maktabida fuqarolar hamda ta’lim sohasi xodimlari uchun navbatdagi sayyor qabul o‘tkazildi.
Ochiq muloqot tarzida tashkil etilgan qabul davomida ta’lim tizimiga oid murojaatlar, taklif va tashabbuslar tinglanib, ularning yechimi yuzasidan tegishli masalalar muhokama qilindi.
Sayyor qabulda 51 nafar fuqaro ishtirok etdi. Jami 31 ta murojaat ro‘yxatga olinib, shundan 6 tasi joyida ijobiy hal etildi. Qolgan 25 ta murojaat yuzasidan fuqarolarga amaldagi qonunchilik asosida huquqiy tushuntirish va tavsiyalar berildi.
Bunday sayyor qabullar ta’lim sohasidagi dolzarb masalalarni joyida o‘rganish, fuqarolar bilan ochiq muloqotni kuchaytirish hamda murojaatlarni tezkor hal etishga xizmat qilmoqda.
