Hozirgi kunda yoshlar o‘rtasida sog‘lom turmush tarzini shakllantirish, milliy va xalqaro sport turlarini ommalashtirish hamda iqtidorli sportchilarni tarbiyalash dolzarb vazifalardan hisoblanadi. Shu maqsadda Boysun tuman sport maktabi sport zalida penchak silat bo‘yicha viloyat kubogi musobaqasi muvaffaqiyatli o‘tkazildi.
Viloyatning shahar va tumanlaridan kelgan terma jamoalar turli vazn va yosh toifalarida kuch sinashdi. Musobaqa yoshlar o‘rtasida sog‘lom turmush tarzini targ‘ib etish, penchak silatni ommalashtirish, iqtidorli sportchilarni aniqlash va viloyat terma jamoasini to‘ldirishga xizmat qildi.
Qizg‘in bellashuvlar yakunida g‘olib va sovrindorlar diplom, medal va esdalik sovg‘alari bilan taqdirlandi.
