“Unar ishim hunardan”

Date:

Endigina tili-zaboni chiqayotgan, atak-chechak yura boshlagan qizchalar ham onasiga “unnashish” payida bo‘ladi. Goh supra atrofida kuymalanayotgan, gohida esa qo‘liga igna-ip ushlagancha biror bir matoga gul yoki naqsh solayotgan ayollarning qizlari ham hunar o‘rganishga tutinadi baribir.

Ko‘pchilik qizlarning momolari, onalari sevgan kasbini davom ettirishga kirishishida ham aslida bir hikmat bor. Negaki, hunar o‘rganishga moyillik qonimizda bor.

Ming olima bo’lsin, aqlu donish bo’lsin, ma’lumoti qanday darajada bo’lishidan qat’iy nazar kishiga hunar o’zgacha zeb beradi.

Surxon zaminida, ayniqsa, so‘lim Boysunda hunarmandchilik qadimdan rivojlanib kelayotir. Qo’li gul kashtado’zlar, do‘ppido‘zlar, kulollaru chanqovuzchilar ham shu makondan ko‘plab yetishib chiqayotgani ham bejiz emas. 

Boysun tumanidagi “Yoshlar istirohat” bog‘ida milliy hunarmandchilik ko‘rgazmasi festivali o‘tkazildi. Unda namoyishga qo‘yilgan naqshinkor gilamlar, qadimiy gul solingan kashtalardan tortib, zamonaviy uslubda tikilgan ayollar uchun zarur anjomlarning o‘ziga xosligi kishiga zavq beradi.

Dunyo ahli tan beradigan, qo‘l mehnati ila mo‘jiza yaratishga qodir hunarmandlar maktabi qayer desa, hech ikkilanmasdan Boysunni ko‘rsatish mumkin.

A.Safarova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bepul reabilitatsiya imkoniyatlari kengaytirildi

O‘zbekistonda nogironligi bo‘lgan shaxslarni reabilitatsiya va protezlash markazlariga yo‘llashning...

Mehnat qadri – e’tibor va rag‘batda

Madaniyat sohasi vakillari xalqning ma’naviy merosini asrash, milliy qadriyatlarni...

Pul o‘tkazmalarida yangi tartib

2026-yil 16-noyabrdan masofaviy moliyaviy xizmatlardan foydalanish xavfsizligiga oid yangi...

Ta’lim muassasalari faoliyati o‘rganilmoqda

Surxondaryo viloyatidagi ta’lim muassasalarining faoliyati, o‘quv jarayonlari sifati va...
KunTun
KunTun