Bugun yoshlarning bo‘sh vaqtini mazmunli tashkil etishning yo‘llari ko‘p. Buning uchun shunchaki istak va ixlos bo‘lsa, kifoya. Oddiygina kitob mutolaasi ham insonga bir olam zavq-shavq baxsh etsa, til o‘rganish yoki kasb-hunar egallash ham foydali va maroqli jarayon. Xullas, har qanday muvaffaqiyatning kaliti ilmdir. Termiz muhandislik-texnologiya institutiga “Ibrat farzandlari”, “Ustoz AI”, “Mutolaa” hamda “Uz Chess” loyihalarining tarqatma materiallari yetib kelishi bilan talaba-yoshlar fikrlarimizning nechog‘lik to‘g‘ri ekaniga ishonch hosil qilishgan bo‘lsa, ajab emas.
Yoshlar ishlari agentligi tomonidan tomonidan boshlangan ushbu aksiya o‘g‘il-qizlarni ilm-fan, sporgat, xorijiy tillar va zamonaviy kasblarga jalb etishga xizmat qildi. Bir-biridan qiziqarli va foydali chorlovlarga boy bo‘lgan tarqatma materiallarga yoshlar katta qiziqish bildirdi. Shu joining o‘zida QR-kod va bog‘lanish raqamlariga ulanib, o‘zlari uchun kerakli ma’lumotlarga ega bo‘lish bilan birga kurs va mashg‘ulotlarga qatnashga qaror qildilar.
