Surxondaryo viloyati hokimi Ulug‘bek Qosimov Muzrabot tumanining Yangi Diyor mahallasida tashkil etilayotgan Tomorqachilik maktabida bo‘lib, gidroponika usulida qulupnay yetishtirish jarayoni bilan tanishdi.
Loyiha doirasida 70 sotixli issiqxonada zamonaviy agrotexnologiyalar asosida qulupnay yetishtirilmoqda. Ko‘chatlar parvarishlanib, hosilga kirish bosqichiga kelgan.
Tomorqachilik maktabi aholiga zamonaviy dehqonchilik usullarini o‘rgatish, yer va suv resurslaridan samarali foydalanish, kam maydonda yuqori hosildorlikka erishish hamda oilalar daromadini oshirishga xizmat qiladi.
Viloyat hokimi mas’ullarga maktab faoliyatini samarali tashkil etish, aholiga amaliy ko‘nikmalar berish va ilg‘or tajribalarni keng ommalashtirish bo‘yicha topshiriqlar berdi.
