Ixtisoslashgan va milliy sport turlarini xalqaro maydonda munosib targʻib etib kelayotgan Oʻzbekiston terma jamoasi navbatdagi nufuzli musobaqada yorqin natijalarni qayd etmoqda.
VI Butunjahon koʻchmanchilar oʻyinlari doirasida oʻtkazilgan bahslarda mamlakatimiz chavandozlari ustunlikni oʻz qoʻllariga olishdi. Xususan, vakillarimiz koʻk boʻri musobaqasida AQSh jamoasini 16:6 hisobida magʻlub etgan boʻlsa, koʻpkari yoʻnalishida Mўgʻuliston terma jamoasi ustidan 12:1 hisobidagi yirik va ishonchli gʻalabani qoʻlga kiritishdi.
Ushbu gʻalabalar oʻzbek chavandozlik maktabining yuksak salohiyati va sportchilarimizning xalqaro turnirlarga puxta tayyorgarlik koʻrganidan dalolat beradi. Bunday muvaffaqiyatlar terma jamoamizning umumiy hisobdagi oʻrnini mustahkamlashga xizmat qiladi.
