Termiz shahrida 480 o‘ringa mo‘ljallangan TISU Cambridge xalqaro maktabi foydalanishga topshirildi. Yangi ta’lim maskanining ochilish marosimida viloyat hokimi Ulug‘bek Qosimov, ta’lim sohasi mas’ullari va keng jamoatchilik vakillari qatnashdi.
Loyiha qiymati 15 million dollarni tashkil etgan ushbu maktab eng zamonaviy texnologiyalar va o‘quv infratuzilmasi bilan ta’minlangan. O‘quvchilarga xalqaro standartlar asosida ta’lim berish uchun 17 nafar xorijiy mutaxassis hamda tajribali mahalliy o‘qituvchilar jalb etildi.
