Termiz shahridagi San’at saroyida viloyat drama teatri aktyorlari ishtirokida “Chegarachi” sahna asari namoyish etildi.
Unda harbiy xizmatchilar, ularning oila a’zolari va yoshlar ishtirok etdi. Spektaklda Vatan sarhadlarini qo‘riqlash, yurt tinchligi va osoyishtaligini asrash hamda harbiy xizmatning sharafli va mas’uliyatli ekani ta’sirchan sahnalar orqali yoritildi.
Harbiy xizmatchilar va ularning oila a’zolari uchun madaniy hordiqni mazmunli tashkil etish maqsadida teatr tomoshalariga borish an’anaga aylangan.
Bunday madaniy-ma’rifiy tadbirlar harbiy oilalarning ma’naviy muhitini boyitish va san’atga qiziqishini oshirishga xizmat qilmoqda.
