Yoshlarning ilm-fan va innovatsiyalar sohasidagi yutuqlarini rag‘batlantirish borasidagi e’tibor o‘z samarasini bermoqda. Ana shunday iste’dodli yoshlar safida Oltinsoy tumani vakili, Termiz davlat muhandislik va agrotexnologiyalar universiteti tayanch doktoranti Muxlisa Turopova ham munosib o‘rin egalladi.
30-iyun – Yoshlar kuni munosabati bilan Toshkent shahrida o‘tkazilgan tantanali marosimda Muxlisa Turopova “Innovatsion g‘oyalar yetakchisi” ko‘krak nishoni bilan taqdirlandi. Ushbu yuksak e’tirof uning ilmiy izlanishlari va innovatsion tashabbuslariga berilgan munosib baho bo‘ldi.
