Prezident Farmoni asosida ekologik barqarorlikni ta’minlash bo‘yicha respublika miqyosida keng ko‘lamli ishlar boshlandi. Surxondaryo viloyatida ham yashil maydonlarni ko‘paytirish, daraxt va nihollarni parvarish qilish, sug‘orish, yo‘llarni suv sepish kabi tadbirlar jadallashmoqda.
Hokimlik, huquqni muhofaza qiluvchi organlar va mutasaddi idoralar ishtirokida o‘tkazilgan yig‘ilishda chiqindilarni o‘z vaqtida olib chiqish, obodonlashtirish ishlarini kuchaytirish, havoni ifloslantiruvchi korxonalar va issiqxonalar ustidan nazoratni kuchaytirish vazifalari belgilandi.
Shuningdek, zararli moddalar chiqarilishini kamaytirish maqsadida issiqlik manbalariga zamonaviy filtrlar o‘rnatish topshirildi. Bugundan boshlab barcha sohaviy xizmatlar ekologik holatni yaxshilash bo‘yicha amaliy ishlarni faol davom ettirmoqda.
