Termiz shahar hokimi Sharofiddin Lolayev hamda shahar hokimligi mas’ullari Xitoyning “Anhui Fengyuan Group” kompaniyasi rahbari Xuan PengCheng va kompaniya vakillari bilan amaliy uchrashuv o‘tkazdi.
Muloqotda “O‘zbekiston–Xitoy” investitsiya forumi doirasida imzolangan memorandumlar ijrosi muhokama qilindi. Xususan, shahar obodonlashtirish tizimini davlat-xususiy sheriklik asosida rivojlantirish, ko‘p qavatli uylarga xizmat ko‘rsatuvchi boshqaruv servis kompaniyasiga investitsiya jalb etish hamda maishiy chiqindilarni olib chiqish bo‘yicha loyihalar ko‘rib chiqildi.
Ayni paytda loyihalar bo‘yicha uch tomonlama kelishuvlarni rasmiylashtirish hamda hujjatlarni Vazirlar Mahkamasiga kiritish jarayoni yakuniy bosqichda.
Uchrashuv yakunida tomonlarning huquqshunos va mutaxassislaridan iborat qo‘shma ishchi guruh tuzilib, loyiha hujjatlarini muvofiqlashtirish va amaliy ishlarni boshlash bo‘yicha kelishuvga erishildi.
