Surxondaryoda Xitoyning “Wanlin Group Limited” kompaniyasi bilan hamkorlikni yangi bosqichga olib chiqadigan yirik loyihalar muhokama qilindi. Viloyat hokimi Ulug‘bek Qosimov kompaniya rahbari Li Yantao boshchiligidagi delegatsiya bilan uchrashib, qishloq xo‘jaligi, oziq-ovqat sanoati, logistika va turizm yo‘nalishlaridagi rejalarni ko‘rib chiqdi.
Hamkorlik doirasida 20 ming gektar maydonda zamonaviy agrotexnologiyalar va suv tejovchi sug‘orish tizimlarini joriy etish, shuningdek, oziq-ovqatni qayta ishlash, logistika industrial parki hamda sovutish va saqlash infratuzilmasini tashkil etish rejalashtirilmoqda. Termiz tumanida 20 gektar maydonda zamonaviy akvapark barpo etish loyihasi ham ko‘rib chiqildi.
Muzokaralar yakunida tomonlar o‘rtasida strategik hamkorlik to‘g‘risidagi hadli bitim imzolandi.
