Termiz tumani mirishkorlari joriy yil paxta hosili bo‘yicha shartnomaviy rejani 103,4 foizga bajarib, respublikada birinchi bo‘ldi. Tumanda 2 005 gektar maydondan 10 984 tonna paxta yetishtirildi. Terib olingan maydonlarda o‘rtacha hosildorlik 53–55 sentnerni tashkil etmoqda, ayrim fermer xo‘jaliklari va paxta-to‘qimachilik klasterida esa gektaridan 80 sentnergacha hosil olinmoqda.
Bu natija zamonaviy agrotexnologiyalardan samarali foydalanish va agrotexnik tadbirlarni o‘z vaqtida tashkil etish samarasidir. Ayni paytda viloyatning barcha tumanlarida paxta yig‘im-terimi davom etmoqda.
