Bandixon tumanida aholini kambag‘allikdan chiqarish, bandligini ta’minlash va oilalar daromadini oshirishga qaratilgan amaliy ishlar davom etmoqda.
Tuman hokimi Abdumalik Allamuradov boshchiligida ijtimoiy reyestrda turuvchi 39 nafar fuqaroga subsidiya asosida sug‘orish nasoslari topshirildi.
Mazkur yordam orqali suv ta’minoti mavjud bo‘lmagan xonadonlarning tomorqalariga suv chiqarish, yerga ekin ekish va qo‘shimcha daromad olish imkoniyati yaratilmoqda.
Tomorqadan unumli foydalanish orqali aholi bandligini ta’minlash va oilalar daromadini oshirishga xizmat qiladigan bunday amaliy ko‘mak kambag‘allikni qisqartirishning muhim vositalaridan biridir.
