“Prezident olimpiadasi” sport musobaqalari o’z yakuniga yetdi. Musobaqalarning tantanali yopilish marosimida sportchilar, murabbiylar, hakamlar hamda musobaqa tashkilotchilari yil davomida erishgan yutuqlari uchun bir qator nominatsiyalar bilan taqdirlandilar.
Ular orasida alohida e’tirofga sazovor bo‘lganlardan biri — “Og‘ir atletika sport turida lider bo‘lgan delegatsiya” nominatsiyasida g‘olib deb topilgan Surxondaryo viloyati delegatsiyasi bo‘ldi.
Bu natija Surxondaryo sportchilari va murabbiylarining mehnatsevarligi, izchil tayyorgarligi hamda sportga bo‘lgan yuksak e’tiborining yana bir isboti bo‘ldi. Delegatsiya a’zolari ushbu yutuq kelgusida yanada katta marralarni zabt etish uchun kuchli motivatsiya bo‘lishini ta’kidladilar.
