San’at insonni tarbiyalaydi, u yoki bu borada kerakli xulosa chiqarishga o‘rgatadi. Shu bilan birga ma’naviy-estetik ruh, katta taassurotlar olishga xizmat qiladi. Teatr san’ati ham xuddi shunday. Angor tumani hokimligi, tuman prokuraturasi va Ichki ishlar bo‘limi tashabbusi bilan Madaniyat uyida Erkin Hushvaqtovning “Andishali kelinchak” nomli ijtimoiy-ma’rifiy spektakli namoyish etildi.
Spektakl orqali kelinning oila va jamiyatdagi o‘rni, o‘z fikri va sha’nini saqlash, an’analarga hurmat bilan yondashish kabi dolzarb masalalar hayotiy voqealar orqali sahnaga olib chiqildi. Aktyorlarning mahoratli ijrosi tomoshabinlarda katta taassurot qoldirdi.
Tadbirda ishtirok etgan fuqarolar bunday ma’naviy targ‘ibot tadbirlari inson ongi va qalbiga ta’sir qiluvchi muhim vosita ekanini qayd etdilar.
