Surxondaryo viloyatining turizm salohiyati oshib bormoqda. Bu yoʻldagi loyihalardan biri 615 gektar maydonda “Sangardak” turistik markazi barpo etilayotganidan xabaringiz bor.
Eʼtiborlisi, u yerdagi loyihalar xalqaro miqyosdagi kompaniyalar bilan hamkorlikda amalga oshirilayotir. Markazning master-rejasiga asosan, 16 gektar maydonda Avstriyaning “INPUT Projektentwicklungs-GmbH” kompaniyasi tomonidan ishlab chiqilgan loyihalar qurilishi boshlandi.
Tadbirda viloyat hokimi Ulug‘bek Qosimov, tegishli tashkilotlar masʼul rahbarlari, tadbirkorlar, nuroniylar va faollar ishtirok etdilar.
