Angor tumanida 30-iyun yoshlar kuniga bag‘ishlangan “Yangi O‘zbekiston yoshlari birlashaylik” shiori ostida yoshlar festivali gala-konserti bo‘lib o‘tdi. Ko‘tarinki ruhda tashkil etilgan bayram kechasida tuman hokimi Qosim Mardonov so‘zga chiqib, yoshlar bayrami bilan yig‘ilganlarni tabriklagan holda, mamlakatimizda yoshlar uchun yaratilayotgan imkoniyatlar, Prezidentimiz tashabbuslari va davlatimiz siyosatida yosh avlodga qaratilayotgan e’tibor haqida to‘xtalib o‘tdi.
“Dolzarb 90 kun” dasturi doirasida viloyatda madaniy-ma’rifiy, sport tadbirlari davom etishi ta’kidlandi. Festival davomida yoshlar siyosatini amalga oshirishda o‘rnak bo‘lgan soha vakillari, mahalladagi yoshlar yetakchilari hamda faol yoshlar tashkilotchilar tomonidan munosib taqdirlandi.
