Prezidentimizning tegishli qaroriga (https://lex.uz/docs/-7362704) asosan 2025-yil 1-martdan boshlab, tajriba-sinov tariqasida, bosqichma-bosqich respublikaning 7 ta hududida 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmati tashkil etilishi belgilangan.
Ijtimoiy himoya milliy agentligi viloyat boshqarmasi va tadbirkor o‘rtasida bitim imzolanib, Boysun tumanidagi “Mustaqillik” mahallasida davlat-xususiy sheriklik asosida kunduzgi parvarish xizmati yo‘lga qo‘yildi. Bunda nogironligi bo‘lgan bolalar qamrab olinadi va ijtimoiy, reabilitatsion va boshqa turdagi xizmatlar ko‘rsatiladi. Natijada esa ishlash istagi bo‘lsada, uyda nogironligi bo‘lgan farzandi bilan band bo‘lib, sevimli kasbi bilan shug‘ullana olmagan fuqarolar uchun ishlash imkoniyati yaratildi.
