“Diydor”da yangi MTT foydalanishga topshirildi

Sariosiyo tumanida bog‘chaga bolalar qamrovini oshirish maqsadida yana bir maktabgacha ta’lim tashkiloti bolajonlar uchun foydalanishga topshirildi. Ochilish marosimida tuman hokimi Abduqodir Donayev, tuman Maktabgacha va maktab ta’limi bo‘limi mas’ullari, ota-onalar, nuroniylar hamda keng jamoatchilik vakillari ishtirok etib, maktabgacha ta’lim tashkilotida yaratilgan sharoitlar bilan yaqindan tanishishdi.
Ushbu 100 o‘rinli 10-sonli davlat maktabgacha ta’lim tashkiloti 3 milliard 250 million so‘m mablag‘ evaziga 120 o‘rinli bog‘chaga aylantirildi va zamonaviy qiyofa kasb etdi. Shuningdek, oshxona, musiqa zali, bolalar o‘yin maydoni, mashg‘ulotlar uchun tashqi ayvonlarda zarur barcha sharoitlar yaratildi.