390 million so‘mlik qurilish materiallari ajratildi

Sherobod tumanidagi umumta’lim maktablarini 2025–2026-o‘quv yiliga puxta tayyorlash, ta’lim shart-sharoitlarini yanada yaxshilash, o‘quv xonalarini zamonaviy jihozlash hamda ta’mirlashga doir amaliy tadbirlar doirasida muhim qadam tashlandi. Tumandagi 70-sonli umumta’lim maktabida Sherobod tumani hokimi rahbarligida tadbir bo‘lib o‘tdi.
Unda tumandagi 76 ta maktabni yangi o‘quv yiliga tayyorlash maqsadida mahalliy budjetdan ajratilgan 390 million so‘mga teng bo‘lgan qurilish materiallari topshirildi. Ushbu tashabbus maktab binolarini ta’mirlash, o‘quv xonalarini jihozlash va infratuzilmani yaxshilash orqali o‘quvchilarga yanada qulay va samarali ta’lim olish imkonini yaratadi.