Ramil Asaydullin 2 karra g‘olib

Sportchilarimiz yuqori natijalarni qayd etishayotgan bir paytda parasportchilarimiz ham bir chetda tomoshabin emas, balki bor imkoniyat va mahoratlarini ishga solib, g‘oliblar safida bo‘lishayotir. Shu kunlarda Toshkent viloyatining Angren shahrida Para yengil atletika bo‘yicha kattalar o‘rtasida O‘zbekiston chempionati musobaqasida ham surxondaryolik parasportchilar faol ishtirok etishdi.
Musobaqaning dastlabki kunlaridanoq bahslar murosasiz kechdi va sportchilarimiz bo‘sh kelishmadi. Ana shunday bahslarda Jarqo‘rg‘on tuman sport maktabining trener sportchisi Ramil Asaydullin balandlikka sakrash bo‘yicha 1,70 metr natija bilan 1-o‘rinni qayd etdi, uzunlikka sakrash bo‘yicha esa 5,62 natija bilan 3-o‘rinlarni qo‘lga kiritdi.