Alplar xizmatni o‘tadi

Yaqindagina onalar farzandini harbiy xizmatga jo‘natib, sog‘inch hissini boshlaridan o‘tkazayotgan edilar. Buni qarangki, bu voqeaga ham bir yil to‘libdi. Shu munosabat bilan Termiz temir yo‘l vokzalida Mudofaa vazirligiga qarashli harbiy qismlarda Vatan oldidagi xizmatini sharaf bilan o‘tab bo‘lgan o‘g‘lonlar tantanali kutib olindi.
O‘g‘lonlar qo‘lida nafis bezatilgan guldasta, unda “Onajonimga” deya bitilgan yozuv sohibasini qidirayotgandek. Bugun onalar, farzandlar sog‘inchi arib, diydorlashadigan, yangi hayotgan aniq maqsad bilan qadam tashlanadigan kun. Xizmatni qaytgan yigitlar bir yil burungi g‘o‘r, ertasiga nima ish qilarini bilmay turgan emas, o‘z yo‘lini tanlagan, o‘z yo‘lida sobitqadam turgan yoshlardir.