Issiq jonning isitmasi bo‘lar. Tanamizning qaysidir nuqtasida og‘riq bo‘ldimi, bu qandaydir kasallikdan “signal”. Unga kerakli davoni qo‘llash uchun tibbiy ko‘rik sihat-salomatligimiz uchun zarurat. E’tiborsizlik o‘zimizga nisbatan qilingan eng katta dushmanlik bo‘lsa, ilojsizlik oyoqlarimizga tushov bo‘ladigan holat.
Toshkent tibbiyot akademiyasi Termiz filiali professor-o‘qituvchilari savobli ishga qo‘l urdilar. Ana shu tashabbus sabab ilojsizlar imkon topdi. Filial professor-o‘qituvchilari Termiz shahridagi “Ma’rifat” mahallasida “Bir ziyoli bir mahallaga ma’naviy homiy” tamoyili ostida tibbiy yordamga ehtiyoji bor “Temir daftar”, “Ayollar daftari” va “Yoshlar daftari”dagi oilalar a’zolari bilan suhbat tashkil etdilar. Suhbat bahonasida ular tibbiy ko‘rikdan o‘tkazilib, kerakli yordam va tavsiyalar berildi.
S.Murodova
