Mental arifmetika — bu jumlalar allaqachon lug‘at boyligimizdan joy olib ulgurgan. Farzandimiz kitobxon, ziyrak, hisob-kitobda topqir, tillarni tezda o‘zlashtiradigan bo‘lishini istaganimiz uchun ham mental arifmetika mashg‘ulotlariga olib borish bilan ishni boshlaymiz. Mental arifmetikada bola ijodiy fikrlashni o‘rganadi. Xotirasi mustahkamlanib, fikrlashi o‘zgaradi. Aqli rivojlanadi. Murakkab tenglamalarni ham og‘zaki hisoblay boshlaydi. Bolaga til o‘rganish ham mental arifmetika bilan oson. Bir so‘z bilan aytganda aqlli avlod vakillari shakllana boradi. Haqiqatan shundaymi, buning uchun imkoniyatlar va bilimlar sinovdan o‘tib, ishonch o‘zini oqlamog‘i kerak.
Termiz shahridagi Nodavlat ta’lim muassasalari o‘quvchilari o‘rtasida mental arifmetika bo‘yicha o‘tkazilgan olimpiada ana shunday bilimdonlarni sinovdan o‘tkazdi. Olimpiadada o‘quvchilar mantiqiy fikrlashlari, bor bilim va mahoratlarini ishga soldilar. “Zvezda vostoka” NDTMdan ishtirok etgan o‘quvchilaridan 18 nafari olimpiadaning Respublika bosqichiga yo‘llanmani qo‘lga kiritishdi.
Hilol
