Yangi ko‘prik ishga tushdi

Oltinsoy tumanidagi “Ketar” qishlog‘iga ketganlarning qaytishi qiyin kechardi. Sababi qishloqqa olib boruvchi ko‘prikning ayanchli ahvoli qishloqqa borib kelishga qiyinchilik tug‘dirardi. Uzoq masofani bosib, aylanib borib kelish yaqinlar ziyoratini, diydorini keyinga surib kelardi. Tuman hokimi B.Maxmatraemov tashabbusi bilan savobli ishlar boshlab yuborildi.
Qishloqqa olib borguvchi yo‘lda katta kanal ustida yangi ko‘prikni ishga tushirish ishlari boshlab yuborildi. Ko‘prik qurish ishlariga qishloqning yoshu keksasi hamjihatlikda yordam qo‘lini cho‘zdilar. Ko‘pning xizmati bilan bunyod etilgan ko‘prik aholi uzog‘ini yaqin, og‘rini yengil qilishi shubhasiz.