Bozorlar va savdo komplekslari majburiy sug‘urtalanadi

Bir qarasangiz, vodiyda bozorlardan birida yong‘in chiqqani haqida eshitsak, yaqindagina Qashqadaryoda ham shu holat takrorlangani quloqqa chalinadi. Qayerda yong‘in chiqmasin, albatta, zarar ko‘radigan tadbirkorlar bo‘layapti. Qanchadan-qancha tovar va mol-mulki yonib, tikilgan mablag‘i ham bir lahzada yo‘q bo‘lib ketganiga nima deysiz?
Tadbirkorlarning mana shunday tabiiy ofatlarda mol-mulkini kafolatlash maqsadida Vazirlar Mahkamasining tegishli qarori qabul qilindi. Unga ko‘ra, 2024-yil 1-yanvardan boshlab bozorlar va savdo komplekslariga tegishli bino va inshootlarni yong‘in hamda boshqa xatarlardan, shuningdek, tadbirkorlik subyektlarining mulkini yong‘in va tabiiy ofat oqibatida yetkaziladigan zarardan himoya qilish maqsadida, bozorlar va savdo komplekslariga tegishli bino va inshootlar mulkdorlarining javobgarligini majburiy sug‘urtalash tartibi joriy etiladi.