Bosh murabbiy Fabio Kannavaro boshchiligidagi O‘zbekiston milliy terma jamoasi murabbiylar shtabi yangi mutaxassislar bilan to‘ldirildi.
Jamoaga xalqaro tajribaga ega fizioterapevt Silvano Kotti hamda sport nutriologi Andrea Iuliano jalb etildi. Kotti faoliyati davomida Italiya va Xitoy terma jamoalari, shuningdek, “Inter”, “Milan”, “Chelsi” va “Roma” klublarida ishlagan.
Iuliano esa avval “Udineze” klubi hamda Shveytsariya yoshlar terma jamoasida faoliyat yuritgan.
Yangi mutaxassislar futbolchilarning jismoniy holati, tiklanishi va sport ovqatlanishi yo‘nalishlariga mas’ul bo‘ladi.
