Uzun tumani markazida “Hayat Medical Health” xususiy klinikasining tantanali ochilish marosimi bo‘lib o‘tdi. Unda tuman hokimi Xabibulla Bozorov, tuman mas’ullari, nuroniylar va keng jamoatchilik vakillari ishtirok etdi.
Yangi klinikaning ishga tushirilishi aholiga sifatli va zamonaviy tibbiy xizmatlardan foydalanish imkoniyatini yanada kengaytiradi. Muassasada yaratilgan qulay shart-sharoitlar, zamonaviy uskunalar hamda malakali xizmat ko‘rsatish tizimi fuqarolar salomatligini mustahkamlashga xizmat qiladi.
Tadbir davomida mehmonlar klinikadagi imkoniyatlar bilan yaqindan tanishib, bu kabi loyihalar hududda tibbiyot sohasini rivojlantirishda muhim ahamiyat kasb etishini ta’kidladilar.
