Dubay–2025 Yoshlar Para Osiyo o‘yinlarida O‘zbekiston delegatsiyasi yana bir quvonchli yangilik bilan yurtimizga faxr olib keldi. Bugun ikki nafar qizlarimiz para pauerlifting yo‘nalishida ajoyib natija qayd etib, xalqimiz ko‘nglini shod qildi.
E’zoza Abdujabborova 67 kilogramm vazn toifasida raqibalarini ortda qoldirdi va oltin medal sohibasiga aylandi. Bu g‘alaba nafaqat sportchimizning, balki butun O‘zbekiston sportining kuchi va irodasini namoyon etdi. Munisa Omonova ham bo‘sh kelmadi. U 55 kilogramm vazn toifasida ishonchli chiqish qilib, yurtimizga kumush medal taqdim etdi. Uning qat’iyati va matonati yoshlarimiz uchun yorqin namuna bo‘ldi.
