Surxondaryoda Prezident Shavkat Mirziyoyevning “Jahon miqyosidagi davlat va siyosat arbobi” kitob-albomlarini hududlarga yetkazish jarayoni boshlandi. Termiz shahridagi 9-maktabda o‘tgan tadbirda viloyat hokimi Ulug‘bek Qosimov va ta’lim sohasi vakillari ishtirok etdi.
Tadbir doirasida 15 ta shahar va tuman ta’lim bo‘limlariga nashrlarning ilk to‘plami topshirildi va ma’rifat karvoni viloyonning barcha hududlariga yo‘l oldi. Jami 967 ta maktabga 1774 ta kitob-albom yetkazilishi rejalashtirilgan.
Ushbu tashabbus o‘quvchilarda yetakchilik, mas’uliyat, vatanparvarlik va keng fikrlash kabi fazilatlarni rivojlantirishga xizmat qiladi. Kitob-albomlar “Kelajak soatlari”, kutubxonalar fondi va turli ma’rifiy tadbirlarda qo‘shimcha manba sifatida foydalaniladi.
Mazkur karvon ta’lim muassasalariga yangi bilim, motivatsiya va ma’naviy o‘sish imkonini olib kirishi bilan ahamiyatli hisoblanadi.
