Surxondaryo viloyati hokimi Ulug‘bek Qosimov Termiz davlat muhandislik va agrotexnologiyalar universitetiga tashrif buyurdi. Universitet olimlari Angor tumanida “yashil belbog‘” barpo etish uchun ajratilgan 220 gektar maydonning tuproq va iqlim sharoitlari bo‘yicha olib borilgan ilmiy tadqiqot natijalarini taqdim etdi.
Uchrashuvda mutaxassislar hududning agroekologik ko‘rsatkichlari, tuproq unumdorligi, shamol yo‘nalishlari va suv ta’minoti kabi omillarni chuqur o‘rgangan holda maydonga eng mos daraxt va buta turlari bo‘yicha ilmiy asoslangan takliflarini bildirdi.
Viloyat rahbari taqdim etilgan ilmiy xulosalarni yuqori baholab, mas’ullarga ishlarni qat’iy ilmiy yondashuv asosida tashkil etish, shuningdek, “yashil belbog‘” loyihasini bosqichma-bosqich amalga oshirish bo‘yicha topshiriqlar berdi.
