Sherobod tumanida Yangi yil arafasida aholiga qulaylik yaratish va narx-navo barqarorligini ta’minlash maqsadida shirkatlar va tadbirkorlar hamkorligida arzonlashtirilgan oziq-ovqat yarmarkalari yo‘lga qo‘yildi.
“Sherobod dehqon bozori”dagi yarmarka faoliyati bilan tuman hokimi Usmon Alimov va mas’ullar tanishib, mahsulot assortimenti, narxlarning barqarorligi hamda aholining ta’minlanish darajasini o‘rgandi. Savdoda sun’iy narx oshirishga yo‘l qo‘ymaslik, gigiena va xizmat ko‘rsatish madaniyatini kuchaytirish bo‘yicha topshiriqlar berildi.
Yarmarka bayram kunlari aholining zarur mahsulotlarga qulay va arzon narxlarda ega bo‘lishini ta’minlab, ijtimoiy himoyani kuchaytirishga xizmat qilmoqda.
