“9-dekabr – Xalqaro korrupsiyaga qarshi kurashish kuni” munosabati bilan Surxondaryo viloyati soliq boshqarmasida “Ochiq eshiklar kuni” tashkil etildi. Tadbir doirasida Termiz davlat universiteti talabalari soliq tizimi faoliyati, xodimlarning kundalik ishlari, soliq to‘lovchilarga ko‘rsatiladigan xizmatlar hamda yaratilgan sharoitlar bilan yaqindan tanishdi.
Talabalarda tadbirkorlar va fuqarolarga masofaviy xizmat ko‘rsatish, avtomatlashtirilgan axborot tizimlaridan foydalanish jarayonlari katta qiziqish uyg‘otdi. Mutaxassislar soliq sohasidagi raqamlashtirish, inson omilining kamayishi va bu orqali korrupsiyaga qarshi kurash samaradorligining oshishi haqida batafsil ma’lumot berdi.
Tashrif yoshlar qalbida soliq tizimining mas’uliyatli va sharafli kasb ekanini yanada mustahkamlab, ko‘plab talabalar uchun “Men ham soliqchi bo‘laman!” degan ezgu niyatni uyg‘otdi.
