Surxondaryo san’at saroyida Termiz iqtisodiyot va servis universiteti Tibbiyot fakulteti 1-bosqich talabalari uchun unutilmas va mas’uliyatli onlardan biri — Gippokrat qasamyodini qabul qilish marosimi bo‘lib o‘tdi. Tantanali tadbirni universitet rektori A. Absamatov ochib, yoshlarni tibbiyot yo‘lidagi ilk qadam bilan tabrikladi va ularning kelajagi uchun ezgu tilaklar bildirdi.
Bu qasamyod — nafaqat talabalikning yangi bosqichi, balki inson salomatligini asrashga qaratilgan umrbod mas’uliyat eshigidir. Tadbirning yuqori saviyada tashkil etilishida San’at saroyi ma’muriyati tomonidan yaratilgan shart-sharoitlar muhim omil bo‘ldi.
Mazkur marosim kelajak shifokorlarining kasbga sadoqati, halolligi va fidoyiligini mustahkamlovchi muhim qadamlardan biri sifatida e’tirof etildi.
