Yangi qarorga muvofiq, endi xalqaro pochta va kurerlik jo‘natmalari bojxona chegarasi orqali olib o‘tiladigan tovarlar singari bojxona nazoratidan o‘tkaziladi. Jo‘natmalar bojxona ko‘zdan kechiruvi va ko‘rigidan o‘tkazilib, tegishli hujjatlar bojxona organlariga taqdim etiladi.
Ushbu tartib jo‘natmalar harakatini shaffoflashtirish, kontrabanda va noqonuniy tovar aylanishining oldini olishga xizmat qiladi. Shuningdek, yuk operatsiyalari vaqtida yuzaga keladigan xarajatlar pochta aloqasi operatori yoki ekspress tashuvchi tomonidan qoplanadi.
