Surxondaryoga tashrif buyurgan Eron Islom Respublikasi Fors viloyati hokimi Xosseyn Ali Amiriy boshchiligidagi delegatsiya Termiz tumanidagi “Termiz” xalqaro savdo markazida bo‘ldi.
Mehmonlarga markazdagi vizasiz kirib-chiqish tartibi, multivalyutada savdo qilish imkoniyati va tadbirkorlar uchun yaratilgan shart-sharoitlar haqida ma’lumot berildi.
Delegatsiya savdo pavilonlari, logistika markazi hamda ishlab chiqarish korxonalari faoliyati bilan tanishib, ushbu markaz Surxondaryo va Fors viloyatlari o‘rtasidagi savdo-iqtisodiy hamkorlikni rivojlantirishda muhim ahamiyat kasb etishini ta’kidladi.
